الوب@%

طلبني غسان البارح استدعاني فما إيفانة في كافي-بار ستيل أوبن مايك . ما كانش عيني و لتوا ماشي مكرز ، حاجات كيما هكا هوما استعراض عضلات عند كمشة سمان . أما سيادتو قالي كوني "ارتيست" لازم نحظر تظاهرات كيما هكا و أنا متأكد أنو من 30 واحد بش يشد المايك بش تلقى واحد بركة ولا زوز عندهم ما يقولو في رواحهم .    

قبل ما نمشي شرجيت تليفوني و حضرت باتري أخرى على ما ياتي و عديت أوفر 3G حاسس إلي هي بش تتعدى سهرية تخليص دين مع ربي . تلاقيت أنا وياه و ليندا أول ما جاو ، ديراكت قتلو :"طارق و حيدر وينهم ؟"حب يسلها قالي : "طارق ما يهزش التل و حيدر عندو بلعة" خزرتلو خزرة متاع : "يو أر داد"  ومشينا .   

في الصف لقينا برشا جموع عمرهم بين 18 و 22 فما إلي شادد كوان يبرف و فما شكون قاعد يسرح في سوتو و فما شكون قاعد يقرا في تاكست متاعو . أنا مادامني مكرز حاسس روحي تضحك عليا قعدت ساكت نحكي معاهم كلمة و قص ، عاملهم كوا ...  

تعدينا على السيكيوريتي و مشينا شدينا بلاصة ، الديكور سامبا فما تصاور بيبي كينج ، إيريك كلابتن ، بيتلز و جماعة أخرين أما ما  نخبيش عليكم فرحت  كي لقيت تصويرة جروبي الفضل أيرون مايدين . ههههههه مشيت نجري كي الطفل الصغير نعمل ل ليندا" صورني صورني تليفونك باهي ."     

قعدت في فوتوي (fauteuil) مادد ساقيا و مقابلني غسان و ليندا طلع إلي منظم لايفنة هذا شد الميكرو بدا يتستي فيه مبعد عطا كلمة : "مرحبا بيكم الناس الكل ، عاملين جو ؟"  

جاوبو كعبتين و كعبة : "أي"

عاود تكلم : "لا ! أي دونت ثينك سو ، أي دونت فيل ذو فايب . عاملين جو ؟ "

جاوبو براسك الكل : " يااااااااااااااااااااااس  "

ضحك و عامل كاينو يسرح في وذنو : "ياس ياس صحيتو  "

خذا نفس و مبعد كمل كلامو : "باهي ، أوبن مايك فيرست أديشن أول مرة نعملووها و بقدرة ربي موش أخر مرة ، هههههه حلوة بقدرة ربي في بار نشالله ما طيحش علينا حاجة . نشالله ااااااااااااااااااااع ، ربي يستر وكهو "ضحكو الناس الكل و مبعد عمل بوكر فايس .

قعد شوية و مبعد رجع يتكلم كي نقص حس الضحك : "باهي نرجعو لموضوعنا أوبن مايك هوا بلاصة باش تخرج فيها موهبتك كانك باهي في الغنى ، الشعر ، التمثيل ، الفكاهة أي حاجة تجي بحذا نا و تخرج القرينتا إلي فيك . "

زاد هبط الميكرو مشى شرب طرف بيرة و رجع ، خزر الفوق زعما زعما في حديث مع ربي مبعد رجع يحكي : "باهي ، أوبن مايك خرج منها زوز من أفضل الفكاهين في فرنسا جاد المالح و جمال دبوز و كانكم تفركسو على طريق الشهرة واي نوت تجربو منا ساهلة برشا صديقي جو برا قيد أسمك غادي و مع  أنا جماعة باش تعمل بعرفورمونس متاعك  و توا نخليكم مع طرح موزيكا مادام قيدتو  "

خزرة ليندا لغسان و قتلو :"غيتار في الكرهبة ؟ "

جاوبها :"هي ، الأورغ إلي تحب  "

قتلو :"جيبها هاني ماشية نقيد"

قعد إلي منظم القيفانمون يدور ويسلم على الحاضرين ، حسيتو كاريزماتيك برشا يدور كاينو هوا الجيرون وسعات يرجع يجري وين السان باش يتفقد الجو غادي كان الأمور سافا ولا لا .   

رجعت ليندا و شعلت سليمز و سألتني :"ما جاش غاستون ؟ " اللقطات هاذوما راضعينهم في الحليب ، تلقاك قدامو و يضحك ويقلق :"جيت ؟"ولا يكلمك مل فيكس ويقلك : "وينك ؟" بون فما حاجات يتفهمو اجزومبل اطيح يقلك :"سافا ؟" فما عباد سبحان الله بشكوتو      

جاوبتها : "لا لا مازال "     

بدا العرض ملول جماعة المسرح ، و بيناتنا خير من جيهة إلي حاضرين ما عندهمش ثقافة المسرح و الميساج إلي مخبي بش يفهموه و إلي لعبو ما عندهمش الخبرة والحضور إلي يخليهم يوصلو ميساج واضح و صادق للمتفرج ، فما كان جماعة كانو واضحين بعض الشيء عملو ميساج على فلسطين واحد زعما زعما في كار يحكي يطيش لون مبعد من علم البلاد يعاود نفس الحكاية و نفس الديسكور ويطيش لون اخر في الأخر دخل لابس مريول مخيط بأعلام الدول العربية و هز الألوان و ورا علم فلسطين لعبد الكل صفقت تعاطفا مع القضية الفلسطينية و رجعنا كاينو ما صار شي .

مبعد بدات فقرت السلام ... بدا واحد خنثاوي فما شكون قردو و أنا واحد منهم شنعت فيا ليندا : "شبيك ياخي مسكين وين يمشي مفدينو في روحو ، تعقد حرام ، ما يتكلمش ؟ ما يعيشش ؟ لاباس ماو ؟  "    

هو بصراحة لوكو عادي برشا أما الحلة ... يا معلم ... كيما يقول الهش حطو في كوكوت و سكر عليه فماش ما يتكبس . قلتلها : "الراجل راس مالو رجلتو  بش تجي أنتي توا تقلي راو إلي يعمل فيه حاجة عادية ؟ هههههه تي نحنا العباد هكا نضربو فيهم بلحجر و منعوتين بالصبع "  

دوب ما وقفت بش تشنيع مبعد تفكرت إلي هي في بلاصة معبية رجعت لكرسيها أما مازالت شانعة : "أي هذاكا علاش شطر الشعب حيونات كان انتوما ما تقدروش السيد هذاكا و ما تراوهوش كإنسان "  

الموضوع هذا حكيت فيه ليا برشا دونك مستانس بل كلام إلي يتقال و براسك نفسو . جاوبتها : "الدين رفضهم ، نجم نفهم إلي فما بلدان استعرفت بيهم أما ... شبي ما استعرفتش بل بيدوفيلي ولا أنواع الساكس البيزار الأخرى ؟"

نفخت و جبدت تليفونها وراتني خريطة : "شوف وين مستعرفين بيه أمريكيا ، كندا أوربا البلدان المحلاهم . شوف وين يخرج و يقلك لا ... أحنا العرب ، روسيا  "  

تكلمت وعامل لقطة بوجهي متاع جيب الجديد : "يعني بش نوليو ماأحلانا نعترفو بيهم ؟ المشاكل الكل تتحل ؟ شوف ، أنا إنسان نمن بلبرييوريتي برشا يعني في بلاصة بش تحكي على واحد همو نقبت ترمتو تتسذ خمم في أكا إلي ما لقاش كيفاه يسد جوع ولدو ، خمم في أك الطفل إلي عندو ديبلوم وما دخلش خاطر ما عندوش سي فلن و غيرهم مبعد نحكيو على هاذم و غيرهم  "

قعدت مكبشة في رايها : "أي و هوما ما عندهمش الحق يعيشو ؟ ما عندهمش الحق يتكلمو ؟ تقصي شريحة كاملة مل مجتمع على خاطرو هكا ؟ "

جاوبتها بطرف سأركازم : "شو مااحلاها ! كل واحد يتلها بنقبتوو ! علاش يحب يخرج و يقول استعرفو بيا كمبيون ؟ توا كي يتسكر عليك باب دار فما شكون يفركس عليك شتعمل ؟ علاش كي يسلم عالناس يقدم روحو كمبون ؟ علاش يتلفت للولاد مانسلمش إت ترنز مي أون ؟ ماك ميبون نيك و أسكت ، لازم تقول للناس ؟ و حتى كان استعرفو يوليو يحبو يعرسو و مبعد يطلعلك جماعة يحبو يعرسو بلقطاطس و جماعة متأسلمين نعرسو بلقاصر و تعدد الزوجات و فما حاجة نسيتها إلي الدستور دولة مسلمة يعني كان قالك يعرسو الموبنة يعني يتنافى مع الدستور دونك الحكاية هاذي لازمها طيح الدستور و عاود ابني  "

نحنا هكا في اكا التخميرة تكلم إلي منظم لايفنة : "ليندا و غسان يطلعو يحضرو رواحهم  و توا نخليكم مع ... حسن و حسين ههههههه أي حسن و حسين تفضلو "

طلعو زوز مايشبهوش لبعظم جملة واحد بصحتو شوية شادد غيتارتو و لاخر كمنجة عأمل شعرو كو دشووفال(queue de cheval) و لحية خفيفة إلي شادد الجيتار قرب للميكرو و قال كلمة صغيرة : "الناس الكل تقص على كل شي و تجي قدامي ... الكل بش نشنعوها درج من زمان ... الكل "

قعدت مركز معاه ، سي بيان ثيقة كبيرة في روحو يا ندرا شبش يعمل ؟ كمل جبد ورقة ركحها مع الميكرو و رجع يتكلم :

"شكون هوني ولد الجيل الذهبي ؟"

الناس الكل عيطت بلقوي ، زاد عاود سأل و عيط أكثر :

"شكون هوني ولد الجيل الذهبي ؟"

ضحك و قال : "هههههه أولرايت أولرايت ! الغناية هاذي إهداء منا نحنا للي شادين الكراسي ... و نقولولهم شدو مليح ، إكبس عليه  "

لعب دوبلاش عل قيثار و عاود سألهم : "حاضرين ؟"

عيطو الناس الكل و سمعت من أكثر الغنيات تفصيص في حياتي كلماتها هكا ما نتفكرهاش مليح أما إلي نتفكرو إلي العباد على كروشها مالظحك         

   

فيها طرطور بونتي ديفين بونتي ديفين            ديفين  ديفين  ديفين  ديفين

جدي عندو دولة صغيرة ايا ايا أو      سياحة مفقودة فيها ايا ايا أو

فيها توريسة، يحشي فيه (إلي بلكمنجة ) توريسة،  يحشى فيه  (إلي بلكمنجة )يحشى يحشى يحشى ،يحشى فيه (إلي بلكمنجة )

السياحة تناكت  (الزوز )

جدي عندو دولة صغيرة ايا ايا أو     الخدم مفقودة فيها ايا ايا أو

فما تشغيل ، معارف (إلي بلكمنجة )   معارف معارف معارف، جعالة (إلي بلكمنجة )

 أفرح بيا (الزوز )

جدي عندو دولة صغيرة ايا ايا أو   الكيسات موجودة فيها ايا ايا أو

فما ثنية ، كلها حفر  (إلي بلكمنجة )   حفر  حفر  حفر  ، كلها حفر   (إلي بلكمنجة )

 قدامك فووسي  (الزوز )

فما مبعد طرف موزيكا كانتري متع أمريكيا عباد شطحت عليها و كمل لعباد شنعتها تصفيق و تزفير ... في لخر قال : "دونت ماس ويذ الجيل الذهبي "

زادو شنعو مع كلمتو و هبط برشا عباد يقولولهم : "برافو "، "بيان جوي " ، "مستني الغناية "     

طلعت ليندا و غسان معاها بدات تغني حاجة كالم ، بيناتنا صعيب طيح على إلي قبلها ، لعبت تيتر مبعد قلبت المشا ميمية بش تبرفوكيني ، غنات تايك  مي تو  تشارش    

رجعت لكرسيها و رجعت تحكي:" هيا هاني تفاضيتلك فاش كنت تحكي ؟ "

جاوبتها : "نسيت ، سيب علينا ، اخطانا ."

خدمت وحدها : "زح ناس تسمع مثلي إخطر ملي تسمع واحد قتلوه ، يعني واحد يرقد مع واحد هذي هي عندك ، هذي جان حاجة ما تتحكمش فيها خارجة على إرادتك كيما لونك و أصلك ... المنظمات العالمية الكل أكدت أن هوا ماهوش مرض نفسي ، جسدي ولا حتى شي اتس أوكي تو بي هومو يعني على خاطر أنتي تكرهم تقمعهم ؟   "

الموضوع هذا ستانست بيه لاتس فايس ات الوبنة و أنواع الاختلاف الجنسي هذا (الخارج على الطبيعة إلي هي ذكر يوحلو في أنثى) موجود من قبل المسيح هذا كان مش موجود من أول البشرية ، أما في عهد سيدنا لوط الشي كثر ، أني واي الشي هذا كيفو كيف الرشوة كيف القتل ماهوش بش ياقف  و ماهوش بش يتنحى كي نخرى قلبي . نكسبتيه ولا لا هاذي أموري زادة . أما يقعد راي متاعي ديما نفسو تحب تنيك ؟ نيك و أسكت نيك هاذي حاجة خاصة بيك علاش تقولها ؟

يعني الريفالتى هوني بين جماعة محافظين مش قابلين حاجة غريبة عليهم وعلى عاداتهم و هويتهم و ناس قالو راهم صحاح و يسخايلو رواحهم صحاح و يحبو يستعرفو برواحهم صحاح المجتمع حتى تبدا تمشي في الشارع مع طفلة تاكل بعضها دونك ... مرحبا بيكم في حلقة لا منتهية   .        

<previous

<next