طرح برو

شنوة أكثر حاجة توترلك عصابك ؟ بروف مكرز ؟ يبداو صحابك يحكيو في حكاية وأنتي ماك فاهم منها شي ؟ باهي شقولك في تخربيش ضوافر على البلار ولا الفراقة على صحن ؟ باهي أنا نروح مخر نرقد 6 متاع الصباح وينوقز التليفون 10 في زك النومة ... تكريز ولا موش تكريز هذا ؟ نوقز تليفوني تلفتو كنت نحلم حلمة غريبة ... حلمت بليندا جات تبكي و عينيها بدم أنا نقوللها شبيك و هي تعيط مبعد جيت ذقت دمها طلع سوس بولونيز و دعماش في عينيها لحم مفروم .

قمت ملحلمةمرهوج ، التليفون مقابلني ما ستحقيتش بش نهبط ملفرش ، مام با شفت الإسم : "فاك أوووووووففففف "

إلي يحكي :"صبح ! وقتى راقد سي الشباب "

مازلت ما عرفتش شكون يحكي معايا :"أمان مانيش في حالة تسمحلي بش نحكي خلص "

إلي يحكي:"تخدم بليل ؟"

في اللحظة هاذيكا مخي ما قالي كان برولو بإلي يجي و أرجع أرقد: "لا ! نجم نرجع نرقد ؟"

إلي يحكي:"باهي أرجع أرقد ، نحبك وقت فطوري تبدا قدامي "

أنا مخي خلط فاق إلي هو صوت طفلة أما مازال ما عرفش صوت شكون : "شكون ؟ "

إلي يحكي:"تا كوبين ! متاع لبهيم تعملو ببوبين "  

فقت كي قالت شيماء و سبحان الله رجعت باتري بلان و في كامل مداركي العقلية :"شيماء ؟ باهي ! شفما ؟ ليل ؟ علاه ؟ كيفاه ؟ نجيك توا ؟"

شيماء ولات تضحك : "هههههه إيزي ، أرتاح وقت الفطور تبدا قدامي ...  "

شبيها ؟ شتحب ؟ علاش ؟ حاسس طلعة من طلعاتها أما الله أعلم . مازال فيها نوم ؟ قوم نيك !   

تصيرلكمش كي تقومو ناقصين نوم تبداو داخلين في جد والدين حيط ؟ ما تجمعوش ؟ هبط ملفرش ، دعثرت ، ما تحطش . جيت خارج من بيتي نتظرب في زهاز الباب . الضحكة موش غادي الضحكة قلت للزهاز ستار .  

وقفت في كولوار مزبهل يا نمشي لطوالاة يا نمشي لكوجينا . إلي نعمل فيه هذا الكل يتعدى فيسع أما أنا نحس بلوقت يمشي دبة دبة تالمون مرهوج . في وسط التبهيمة رجعت للبيسي ، مشيت نفركس على مزيكة تعبر على حالتي . مالقيتش خير من تول (tool) وحلت الصوت ماكس ... الحومة ما فيها حد توا إلي يقرى ، يقرى والي يخدم ، يخدم . مشيت للكوجينا ، حليت فريجيدار : جبن ، تن ، عظم ... همممم أوملات ؟ ناااااه صعيبة . عظمة مقلية ؟ ما عيني      ... الحل ؟ جبدت طرف خبز ، عملت خبز و جبن و صبيت قهوتي .

خرجت وأنا في شطر الثنية نفيق بروحي بشلاكة الدار ... ملمرسى بدينا نقذفو ، ملا صبوحي ينيك في الراس ، رجعت لدار قعدت نخمم شنوا نسيت اخر . بطاقة تعريف ، شاكد ، فلوس ، شاكد ، تليفون ، شاكد ، شنوا مازال اخر ؟ بارفان ، شاكد ، شاكد ، شاكد زيد على ما ياتي. توا نجم نخرج .          

وصلت قبل فطور شيماء ، دخلت مالقيتش مولاها ، بيزار ، مشيت نفركس على شيماء . نلقاها هي و صاحبتها ، راتني الطفلة حركت راسها بش تتلفت  شيماء . كي راتني تبسمت و جات : "سي الشباب ، مازال بكري ، شبيك ما قعدتش في الشارع و جيت وقت فطوري ؟"

حبيت نجيبها قوي في الكلام : "عزيزتي ، البرا أدغال ، بش نلقى الصدورات البرة و الزعك مبوطة نجم ما نجيكش جملة "

شدت ضحكتها ، حطت مرفقها على كتفي و جاوبتني : "بزازل و زعك ؟ حتى تلقى شكون ترضى بيك و تركحلك . شفت الكرسي هذاكا ؟ برا غادي هاني جايتك " أنا عملت خطوتين و عيطتلي : "مهدي ! شد وحل برو و ركح ماناتات هاني جايتك "

برو ؟ مقيمتني و مهبطتني على خاطر طرح برو ؟ لا لا تركبش . نسألها ؟ توا ؟ زايد ! مازال شوية و تجي تو نفهم كل شيء . خليها ، حليت بيسيها ركحت  ماناتات و مازال بكري ، قعدت نلعب وحدي .      

تعدات نص ساعة ، جات شيماء و جابت فطورها و قعدت بجنبي : "هيا بسمالله !"

عملت براسي لا و قلتلها : "مازلت كي قمت أفطر على روحك "

ضحكتني قاتلي : "أحسن " و فمها كلو دمق .

مخي ما صبرش : "علاش جبتنى ؟ على طرح برو ؟ و علاش تسأل نخدم بليل ؟ "

جاوبت أما منجمتش تتكلم الماكلة الكل في فمها ، خليتها تكمل في عقلها . كيفاه تعوج راسها و تحاول ما تفرتش ، قداه من مرة نشد روحي باش ما نترماش عليها . زعما فايقة بيا ؟ زعما تعمل فيها بلعاني تسخن فيا ؟ زعمة تستدعا فيا ليلة بش نعمل كربوس ؟   

هاني نستنى لحضات و تطلع النتيجة .

كملت تكسلت و خزرتلي . قلتلها : "صحة " ما تكلمتش ، جبدتني من رقبتي و باستني مبعد ضحكت و قالت : "ثانكس فور ذو ديسرة"

مشات غسلت يديها و جاتني : "باهي ، بش نفهمك "ركزت معاها و معاد نشوف كان فيها ، ما نسمع كان فيها  و مخي واحل كان في إلي بش تقولو ."شفت، إلي بش نحكيهولك ، بش يكرزك ."في مخي نحي الكربوس ، نحي سهرية رومنتيك و عشى كلاس ... حاسس بلحشوة ، بدات ريحتها تفوح ."موش بش نقلك لازمك تعمل على خاطرك ذو فاكينج بوي فراند واكا اللغة الخشبية أما هاو كيفاه بش يصير ، نلعبو طرح برو ، نربح تمشي معايا للعرس مبعد في الليل ، نخسر أنتي تختار : تمشي معايا ، نمشي مع صاحباتي ولا ما نمشيش و نتعاركو و نقلك يا ميبون و مبعد ترصيلك ترضي فيا . تفاهمنا ؟  "

صار هي هكا الحكاية ؟ طرح كورة ؟ المرة الجاية باش نسكر تليفوني . : "عصبة على راسك ، فشلت زبي ، بففف هات المانات "  

ضحكت و لعبت بشعر لحيتي و بعد عنقتني و تعمل : "محلاه بيبي مكرز ! بشكون بش تلعب ؟ "

هممممم ، باز راهي تعرف تعدي باس و تزلط في الديفونس مبعد بش تكرزني بش نهزها . يلا نلعب بوحدة ضعيفة ، بوردو نعرف فيها وهبي الخزري : "برا مانيش بش نكبس معاك بوردو "    

بدينا نلعبو و فما مرا من نهارة إلي عرفت شيماء و كل ما نجي نلقاها قاعدة -أكا المرى إلي تتكيف في السليمز و تقعد وحدها ، كان ضيعت أرجع أقرا شابيتر "العرس http://7keyet9hawy.blogspot.com/2016/09/blog-post_25.html"  -

كل ما نجي بش نسأل شيماء عليها ننسى ، لمرة هاذي جبدت الموضوع : "شيماء ! "

هي مركزة شطر معايا شطر مع الفورماسيون : "بنزيما أخرج عصبة ، إيجى كريستو أفون سونتر ... يا روح شيماء ، يا عمر شيماء ، يا شيخة شيماء "

سألتها : " ياخي شنوا حكاية أكا المرا إلي وحدها "

هي : "أناهي ؟ "

أنا : "إلي شادة التابلات  "

هي خزرة و مبعد : "أه ، هاذيكا اسمها مبروكة ، أما الإسم الحركي نرجس  "

أنا : "قحبة يعني؟"

دوب ما كرزة و مبعد حكاتلي حكايتها : "يزي مهدي ، هذيكا خرج عليها برشا كلام، هي كانت في الكارتي تخدم ، فما شكون يقلك خوها هبط ملبلاد و راها غادي كرز و دخل ناكها ، فما شكون يقول راوها ناس مل بلاد و هبطولها بوها كي راها تجلط و مات قدام عينيها   "

عمري ما وصلت خمت في موضوع علاه الإنسان يوصل يخدم لخدمة هاذي ، خبزة ؟ فما 1000 خدمة و خدمة جاوبتها : "ما فماش علاش بش تخدم الخدمة هذي ، بلي بش تتسكر في وجها  "

شيماء : "1-0 ماركيتلك هاهاهاهاهاهاها يا ناري عليك ، ما تعرش عليها ياخي عشت كيفها ؟ ياخي موش تشوف في روحك عندك باك و عندك شكون صرف عليك هيا وين تمشي تحشالها حتى ولات هكا ... أي أي أي أي أي أي شفتها ؟ شعرة لا دزيتهوولك  "

أنا عطيتها تبهيما ما عرفتش يا نسيب المرا و نتلها بشيماء إلي بش تربحني ولا نقص على الطرح مبعد كملت في الزوز : "ياخي ما تنجمش تخدم في الديار ؟ ما تنجمش تشوف معمل خدمة شريفة ، تنطر بيها مصروفها ؟ "

شيماء زادتني الثاني : "ستنا ستنا ! أوب ! لوب يا حبيبي لوب ، بش تمشي تحضر روحك بعد الماتش هذا "

أنا كبشت : "لا لا لا ما فيباليش بيك ملاعبية بش نعاود  "

شيماء : "هيهيهيهيهيهيهيه ما فيبليش بيبي نغار ، باهي كمل الماتش هذا "زادت شوية و رجعت لهدرة : "باهي نكملك ، راو فما ناس يبعثو بناتهم 11 سنة يخدمو في ديار الكبارات كيما يقولو هوما و يجيو يقبضو الشهرية و يروحو واهاوكا يطل على بنتو زعما زعما و مرتو يخبط فيها بطرايح ... مهدي ما تراش روحك عايش في العاصمة تتسمى حاشيه ... هاني بش نحشيلك الثالث "

مازلت نحب نزيد نبرر إلي ما فماش حاجة تخليها تعمل الشي هذا و تخليها تخدم خدمة هاذي : "سامحني ، أما هي مسلمة و كان عينها راهي بطلت الشي هذا ، و زيد عندها مخ تعرف الباهي والخايب "

شيماء سكتت قاعدة تعمل في أتاك ، سنطرة الكورة و كريستيانو خطفها دومي كيما بونتو زيدان في فينال شمبيوونز ليج كونتر ميلان 3 بلاش خزرتلىي وقالت : "مالا مسلمة ؟ و إلي بيناتنا مش حرام ؟ شفت ملحظة هاذي بش تولي تحلم تنيك شفة من عندي ، حرام ماهو ... هيا مالا ألعب ألعب  "  ماعرفتش شنعمل نكمل نحكي في الموضوع متاع المرا نقوللها والله ما صارها ضعت فيها الزب .   

وفا الماتش الأول ، حطيت باريس سان جرمان نعملشي حاجة  .هي بدلت زادا  حطت برشلونا

بدا الماتش الثاني و مازلنا نحكيو في الموضوع هذا رجعت شيماء تحكي : "توا فيبالك بيهم شايخين ؟ توا تحس في روحها محترمة ؟ تحس في روحها عايشة ؟"سكت ، مالقيت منقول ، قعدت نسمع فيها . "شفت القهوة هاذي ، قداه من واحد يجي عندو حكاية مع الكارتي و وحدة أتعس ملي قبلها " زادت سكتت بش تركز مع الماتش و مبعد حكاتلي حاجات قعد مبهم "مرة هاو زوز رجال يتعاركو شكون يكسرو طفلة واحد دافع فيها 200 دينار و لاخر جبد كرني شاك ، مرة راجل حب يجرب لقطة متاع بورنو الطفلة ماحبتش عطاها طريحة حزوها بعد ما كلات بونية شعرة لا قتلها ديجا طاحت روح غادي واحد قتل مرا غادي و فكلها ذهبها ، خرج يعمل للبترونا قتلك خناخو غمضة هي دخلت تلقاها مذبوحة عيطت ."

كملت كلامها، سكتنا في زوز و تغدرنى تمركيلى بميسي ولات تبربش فيا و تفصس فيهم عليا : "لأ لأ ما نضيعش أنا ميسي و ما نرحمشي  "و تغني فيها ملحنة . اااااه هذا شيصير كي تصوحب وحدة ضاربة . قعدنا ساكتين ، ما لقيت ما نقول ياخي زدت سألتها :"توا الدولة شبيها ما تلقاش حل مالا  "

ضحكت ، هاج عليها الضحك ما نجمتش توقف ، حطت ستار بش تنجم تسكت مبعد جاوبتني : "أووووووووه ، برسمى ولا تتبهلل ؟ فيبالك كان يتسكر الكارتي الزبوب الكالبة ما تلقاش نقب تسدها ؟فيبالك عادي نوليو كي مصر طفلة تتعدى يبداو يجريو وراها بش يحصروها ويغتصبوها . إلي أتعس من هكا بش تخدم الخدمة هذيكا يلزمك دوسي فيه سبب علاش تلزيت تخدم الخدمة هاذي ... قول الدولة تعاونك ... العصبة هاي مشات باعت بدنها و ولات ماتريال ما تنجمش تختار مع شكون ترقد  "

قعدت نوعا ما مصدوم ، من جيهة ما خممتش وما جاش لبالي بش نشوف الشي هذا من جيهة إنسانية ، كنت نخمم إلي هي ما احترمتش إنسانيتها و رضات بلشي هذا علاش أنا بش نحترمها ؟ عمرو ما جا لبالي إلي الفقر لزها بش تخدمها مام سي كان خدمت مخي شوية راني طلعتها .     

شيماء : "عندي صاحبتي حكاتلي مرة ، كمشة نساء هدو لبيرو عبد الفتاح مورو و قالولو نحبو نتوبو ألقالنا حل ، مشى بعدهم على العاصمة ، لقى لكل وحدة راجل و حلفو بش ما يعايرهاش بماضيها ... براف هو حب يعمل جاست بإسم النهضة ولا إلي هوا أمورو ، تنجم تكون مفبركة زادة يدو  أما حبيت نقلك راو الشي هذا هي مكرزة منو و تحب توب "

شيماء حلتلي عينيا على حاجة ما ريتهاش قبل ، أما السأل تنجم تدخل لمجتمع يراها القحبة إلي باعت بدنها ؟ ينجم أي بشر تجي عينو في عينها يراها الإنسانة بركة ماغير ما يخمم فلي عملتو ؟  يلا بباريز خسرت 4 رصاتلي بش نروح نزقلم بش نقابل بوها .

أنا خارج ملقهوة مبهم كيفاه ربحتني نلقى هشام بصدفة : "صحة بو الهش وينك ؟"

هشام : "مروح ؟ "

أنا : "خوك متحشالو لعنكوش هههههه "

هشام بهم : "كيفاه زادة ؟"

أنا : "تخاطرت أنا و شيماء كان تربحني في البرو نهزها لعرس صاحبتها ياخي ناكتلي وعدي ورصاتلي بش نمشي للحجام توا و نزقلم روحي  "

هشام ضحك : "ربحتك ؟ هههههه ينعن جعب عمتك ما تصلح لشي انتي ؟ ستنا نهبط زك أمها في الفايسبوك "

اااااااااااااااااااااااااااااااااااااااااااااند كراب  

 

    

      

       

 

previous> 

<next