البوسة

ليوم ترنديفة ثانية شيماء ، قعدت نخمم  وين بش نهزها و زيد كي تيشطلي ما تحبش تركش في قهوة ... بفففف نهزها للبلفيدار ؟ ماسطا زيد موش لاهين بيه كيما قبل و فما أساطير بعد المغرب فما بركاجات . دحدح ؟ هممممم تنجح أما نحب نحكي موش نلعب . يلا تو نتصرف ... هزيت الكرهبة بالك نبطاو ما نحبهاش تتمرمد.     

مشيت للقهوة إلي تخدم فيها ، نلقى مولاها قعد كي العادة شيشة بحذا الكاسا ، المرة هاذي لابس بولو أخضر فاتح سروال باج . جبدت تليفوني و كلمتها : "حمقائي المفضلة ، وينك ؟ " سألتني "وصلت ؟" مبعد قتلي نستنها . جاتني تزرب سلمت و تلفتت لعرفها : "عم صطوفا ، هذا ضيفنا هاني دخلتو "

قعدت باهت ، عرفها خلاني ندخل ماغير حتى قلق عادي ؟ و زيد قالي مرحبا ... براف ربي يكثر من الناس .

دخلت تكركر فيا ورى الكنتوار و قتلي نص ساعة و نمشيو عرفتني على ليخدمو معاها . مشات دارت لمدت كيسان ورجعت . قتلي نحب نوريك كليوناتنا الوفين . فما واحد تنهد وقال : "كهو هاي خدمت ، تي سيبهم "

وراتني واحد راكش وحدو حطت دبووزة ماء و يشرب في قهوة كحلة و كل مرة يخزر لترمة طفلة عرفتني بيه : "هذا   عمي منصور البزناس، كل يوم يجي مع 3 يركش يحاول يركح طفلة "قصيت عليها "و حالة معاه ؟" ضحكت و قالت : "لا يحاول بركة "قعدت نخزرلو شوية نلقاه مهمم لابس حاجة كلاس أما لحيتو لمفرعسة و سنيه إلي بلماكلة فضحوه . يقعد يخزر شوية و يرجع لتليفونو و يضحك و يعطيها شخرة غريبة .   

مبعد وراتني كوبل واحد معرس أما يخون في مرتو معاها قتلي : "ليه مدة يقوللها تو نعرسو و كل مرة يقوللها ستنا هاو جلست الطلاق قريبة " النوع هذا يا ذنوبي كان عرسو ، يحب يوصل معاها للي حاشتو مبعد يتلفها و يطيشها على طول يدو . هي علاش تدور بواحد معرس ؟ علاش تحب تدمر عايلة كاملة ببهامة . وهوا علاش ياخو في ريسك باش يدمر عايلتو ؟ فما حكاية 10 سنين لتالي تشبه لهاذي صارت واحد لعب بوحدة ياخي هزت تلفونها و وراتو  لمرتو ...  

و مبعد قتلي حظر روحك ، وراتني كوبل مرا تخزر لتلفزة و ساعات دوب  تحرك يديها مع الغناية و راجلها يحكي معاها و هي ما تخزرلوش في عينيه لاهية في التلفزة .  زح يسخف عافسة عليه و حاطتو تحت السباط ويني شخصيتو ؟ ويني كلمتو ويني رجوليتو ؟ ومبعد تجي عايلتو يقولو راو مسحور و يبداو حسبي الله و نعم الوكيل و يخسرو مال الدنيا باش زعما زعما يحلو عليه الكتاب و ينحيولو الشي إلي سوا ديزون في بدنو .

دخلت شيماء تبدل في حوايجها حسيت روحي داخل بعضي شويا قاعد ورا كنتوار ، صحيح مانيش وحدي أما أول مرة تصيرلي لقطة هكا ... ماهيش كونفرة    زون متاعي في قهوة . جاني واحد ملجماعة إلي غادي قالي :"تتكيف ؟"حسيتو يحب يجسنى ولا يحب يحكي ، لا علينا جاست فلو ذو فلو . قتلو : "لا لا عيشك نتكيفش ". كيما أي واحد يعرف إلي أنا نتكيفش : "معلم والله أنا بيدي نحب نبطل و ما نجمش ، شي أقوى مني ". ما لقيت ما نقول ضحكت في سبيل المجاملة . مبعد قالي :"شتعمل في حياتك ؟ " جاوبتو متبسم : "توا ماستير في  النفس و نشالله نكمل دكتوراه  خطفتلى ، و أنتي ؟"

تنهد و جاوب :"انجنيور ميكاترونيك "

تشوكيت ، في بالي برونش سيونتيفيك فيسع ما يلقاو خدم في دومانهم موش كيفنا أحنا ما تلقا خدمة كان ما لوجه يولي في القفا ، ديراكت سألتو رفلاكس : "زبي ؟ شتعمل هوني ؟ "

عمل لقطة وقتها متع عزيه يقبل العزى : "دولة زبي ، تخرجت فيبالى بش نخدم و كل شي  يتحل في وجهي ياخي الباب إلي ندقو يتسكر في وجهي ... فما إلي يقلي ماكش البروفيل إلي نفركسو عليه و فما إلي يقلي بلاصتك موش في تونس " حرك يدو ملدمار و كمل "في تونس قد ما تتحشالك و شوية "    

حبيت نشوف مخو شفيه : "علاش ما حرقتش ؟ علاش ما تصرفتش في خرجة لبرا ؟ كي أنتي مكرز ملبلاد "

حرك راسو و جاوب واثق من كلامو : "نخرج البرا ما عندي حتى هدف في مخي نخرى فيه ، و حرقة ؟ تمرميد في بلادي خير ب 1000 مرة مل تمرميد في الغربة ،  سي نون هاني نشوف كنتراتوات البرى فماش ما تخطف  "

خرجت شيماء ملفستيار جات قدامي وضحكت و قالت : "أنا حاضرة هيا نمشيو ؟"قعدت مبهم في تبسيمتها ، فمي قعد محلول شوية و ماتكلمتش . التبهيمة إلي عملتها ماهيش من علامات الغباء أما من علامات واحد تحشالو و طاح لوف . هي جات قدامي و تحرك في يدها و تعيط و تضحك : "الأرض لزحل ، الأرض لزحل حول " و المهندس قعد يضحك و يعمل يا ناري عليه هبلتيه الطفل . فقت على وضعي و قلتلها هيا نمشيو . شدتني من مرفقي و سيبت الساركازم متاعها : "أسمع ، إلي يعطيك السلعة صلي عليه باين فيه إنسان هكا ! "و عملت ثامبس أب .      

ونحنا خارجين تعدات سلمت على عرفها باستو من خدو و قتلو : "مممممممواه يا عم صطوفة يا باهي ، ملتقانا غدوا نشالله "الراجل ضحك و جاوبها بكل حنية : "عيش بنتي ، تستحق حاجة ؟ أمورك واضحة ؟" وخرت بحذايا و قتل : "تهنا ! حتى كان ناقصة حاجة ..." عطاتني بونية صحيحة و كملت :"هاو معايا سبع البرمبا "  قام  عم مصطفى و حط يدو على كتفي و حكى معايا : "ولدي ، تجرلها حاجة هكاولا هكا نجيبك من كرش حوتة ، أما بيناتنا ههههههههههههههه  هي إلي ترد بالها عليك  "       

خرجنا ، مشيت للكرهبة تبسمت و قالت : "هي ، حالة حالة كرهبة و ألعاب ... "طلعنا ديراكة جبدت تليفونها و عيطتلي : "ستنا ، ستنا هيا سلفي تايم " خطفت تصويرة و بدات تحكي وحدها "هاش تاق جو ، هاش تاق هيت ذو رود مهدي و نمركيوك " خبات التليفون و قتلي : "بابا عزيزي وين ماشين ؟"

كملت معاها في الخط : "الرفاهة المنزلية "  .

ضحكت و قصت على لمساطة متاعنا : "بلحق بلحق وين "  

أول كلمة جات في مخي ما وخرتهاش: "سيدي بو سعيد ، البارك وين فاك الهندسة "   

ركزت مع الموزيكا تلقاها ميتال ، نحاتو ديراكة "ميتال ؟ ميتال ؟ موش وقتو " مبعد تفكرت نكت : "أسمع أسمع ، واحد ظن دارو بلحليب علاش ؟" قعدت نخمم "خاطر سكان الدار بقر ؟ " دوحت راسها و جاوبت : "بش تولي دار ملك "   

قعدت أنا نخمم مبعد جبتلها نكتة ماسطة : " قالك القذافي روح من تونس عمل بلاصة اسمها قتونس على خاطر عندنا قليبيا " عيطت "ياااه بايبي ! خرج المساطة إلي فيك"  

وصلنا لسيدي بو حطيت الكرهبة في المدينة الفوق و هبط كعابي للبارك ، في الثنية نلقى مرى في 50 لابسة فولارا ، ليكاة ، سروال دجين و كنفارس قالتلنا "محلاكم "

خزرتلها خزرة كريبى و قلتلها : "أأأأأأأأأأأأأأأأأأأ عيشك "  

زادت مشات في ثنيتنا و تكلمت مرة أخرى : "أنا نحب ، لبنات نراك كيف بنتي ، نكره الرجال ... برسمي الرجال و الزمان ما فيهمش أمان "

تلفتتلى شيماء و نعتني بصبعها : "ما فيكش أمان يا واطي "

تكلمت المرأة : "أنا طول عمري نتمنى طفلة نربيها كان جا عندي بنتي راهي في عمرك شسمك ؟ "

زدت حسيتها درا كيفاه ، بديت نزرب و شديت شيماء من يدها ، وهيا مازالت مكبشة : "نعرفكم انتوما الولاد ، تلعبو بلبنات و طيشوهم " زادت شوية و قالت لشيماء "رد بالك على روحك ، ما تخليهوش يدور بيك و يطيشك ما يمسكش سمعتني ؟"و عيطت فرد عيطة

سألتها ببلادة : "باز راو عندك أولاد مهبلينك أنتي ، صحيح ؟"

تنهدت و قالت بضحكة مر :"لا ما عرستش ، بابوري زفر أما نتمنى كان جا عندي بنوتة  "

أنا و شيماء خزرنا لبعضنا فرد خزرة متاع فهمنا اللعبة .وصلنا وين سكة التران قالت "أنا باش نمشي ، نوصيكم كان جبتو طفلة سميوها أماني ، أنا باش نموت وحدي " مبعد خزرتلى : "أنتي عندك أمانة ما تمسخهاش صونها و قدرها و أحترمها  "

شيماء عينيها دمعة شوية و حبتها تجي معانا وعلى كلامها دخلت بعضي متاع نو فاكينج واي ياخي الحمدللله فهمت روحها ومشات ، حتى لين وصلنا لبارك و الطفلة تحكي بيها    

"مسكينة ""زعمة جاها شكون و رفضتو ""سخفتنى ما عندها حد في حياتها ""كان ندبر نومروها و نفركسولها على راجل ...  "   

أول مرة نشوف لوجه الحساس ليها ،تأثرت بيها برشا و قعدت مشووكيا أما أنا بلي تفاعلت أما فيسع ما تلفت زك أمها.   

دخلنا لبارك نلقى منتاليتي موش كيما إلي مستانس بيها نلقى واحد يجري هوا و كلبو و موحل لفن و عرق في مريولو و فما عايلة يمشيو راجل و مرتو و يكركرو في ولدهم بلبووساة (poussette)  

نحنا ندورو ينوقز تلفوني هشام يطلب ، قتلي شيماء : "هذا صديقك الأحمق إلي ديما تحكيلي عليه ؟"

جاوبتها :"هو بعينه "

خذات التلفون و بدات تحكي معاه بصوت سكسي: "ألوه"

قاعد نسمع فيه :"ألو مهدي هوني ؟ أختو إنتي ؟"

قالت بصوت كاينها في أقوى أورقازم :"مهدي في الدوش "

هشام دخل بعضو و ما فهم شي ،علق التليفون وقعدنا نضحكو مبعد كلمتو :"أه سي الزبي، شبيك ؟ "

نلقاه كشاكشو طالعة و يعيط:"لباس يا معلم ؟ شنوا هذا ؟ شكونى ؟ "

قعدت نحكي ومعاه و غلبني الضحك : "هههههه شبيك عملت هكا ؟ شنوا هل شنعة يا عم زبي هههههه  "

جاوبني و هوا يعيط و كشاكشو طالعة : "أنتي متاع الشي هذا والله تروح للحومة و تو نقتلك "و مبعد علق التليفون

ضحكت شيماء و مبعد قتلي :"كان بش يقتلك بش نقتلك أنا عندي الحق ، الأقربون أولى بلمعرف صاحبي .أما بش نعمل معاك جاست ما عملو معاك حد قبلي "قربت وجها أكثر لوجهي و قتلي "بش نخليك تختار كيفه تموت "

ضحكت و قلتلها : "هممممممم نحبك تلبسني بنداج في عيني ، مبعد تبوسني من رقبتي تخلي تراس مبعد من فمي و تقرب فمك لوذني و تقلي بنفس الطريقة إلي حكيت بيها مع هشام أي أم سوري و مبعد تقتلني  "

حطت يدها على كتفي و عملت بدنها كيما لفصايل و حكات معايا كي الباندية : "بوس و فازات ؟ شقولك كان نحطلك عصا ملوطا تخرج ملفوق ؟ هاذي  الموتة خير لا ؟   "

قعدنا في بلاصة قدامنا سبخة و حاطين فيها طرف وز يدورو ما نجمتش نحكي و ما حبيتش نحكي المنظر تالمون يرد الروح تقعد يشيخك و يرتح البصر و المخ ... منظر دواء للروح .

ومع السكوت هذاكا حسيت ريتم كردياك متاعي بدا يطلع ، الوقت مغرب ، الشمس بدات اطيح وكل ما نخمم فيه كان أنا نبوس فيهاو شيصير مبعد ، تعملي عركة ؟ تعجبها ؟ تفرح ؟ تعطيني كف ؟ أأأأأأأأأأأأأأأأأأأأأأ نحب نعيط .  باهي و كان نحسبها بطريقة أخرى ، نكور بطريقة أخرى . كان عندك حاجة تخاف تخسرها برا اخسرها قطو معادش تخاف . هممممم نجح أما ما صدق لربي لقيت طفلة هكا .

وأنا في الصراع هذا قتلي:" شنوا راو السكوت برشا خايب ، تحرك تبداش حجرة "

على كلمتها قربت وجهي شوية و غمضت عيني . الصوت والحرب إلي في مخي لكل سكتت ولا سكوت تام . زعمة هاذي النيرفانا ؟ ما نعرش أما الثواني هذومانتمنا كان يقعدو للأبد . الكلمة إلي قالوها :"لا تقاس الحياة من خلال عدد الأنفاس التي نتخذها ولكن من اللحظات التي تأخذ أنفاسنا بعيدا"فهمتها توا . فمها أحلى ملعسل، تمسح على لحيتي بيدها و يدها لخرى ورى راسي .

أول طفلة في حياتي تعطيني الساتيسفاكسيوون الجسدية و العقلية ... كان واحد يقلي أوصف الجنة ، نوصفلو الحضة هاذي .   

وخرت شيماء خزرتلى حدقت عينها زادت لمعة تبسمت و ترمات عليا . قعدنا ندورو يد في اليد خطوات صغار مبعد حبتنا نروحو طاح الليل . زدت بستها مرة  أخرى كينو حياتنا مربوطة بيها . لساني تزرف وسط فمها بشوية و بلهفة و كلبة فرد وقت . توا فهمت علاش أصحابي يوصفو البوس كي ذوبان ، كل شبر في بدني لصق فيها ، كل بلاصة في بدنها لصق فيا ، عروقي يدور فيها الدم بلقوي و قلبي بش يخرج من بلاسطو . عمرها ما ركبتلي على عبد هكا ، جملة جملة جملة شديت وسطها و حطيت يد على صدرها و نزلت عليها ،بدات تسخن بعد دزيتها على شجرة . قدمت في جيهتها ياخي هزت يدها :"لا لا مش توا " سكتت شوية مبعد قاتلي "ما نيش نقلك لا أما موش توا "        

فهمتها و ما ريتش مانع قلتلها :"على راحتك "و روحنا و ما نجمتش نوصف شعوري ميلونج بين اكسيتاسيون ساتيسفاكسيون و فرحة . أما زادت عزت عليا كي سألتني:" مكش متغشش ماو ؟ " الإنسانة الضاربة تتصرف هكا ؟ ويردو .  

في الليل نحضر في روحي باش نرقد بعثت ميساج : "أي ميس يو ، أي نيد يو " .هههههه  غسلت ساقيا ورقدت  

  

  

  

previous> 

<next